Jihar Osun na duba yuwar bude makarantu -Funke Egbemode

Gwamnatin jihar Osun ta ce, za ta kara duba yiwuwar bude makarantu a fadin jihar daga ranar 21 ga watan Satumbar da muka shiga.

Gwamnatin jihar ta Osun ce ta tabbatar da hakan ta cikin wata sanarwar da ta fitar mai dauke da sa hannun Kwamishiniyar yada labarai ta jihar, Mrs Funke Egbemode.

Sanarwar ta kuma ce, al’ummar jihar ta Osun za su ci gaba da bin ka’idojin kare kai daga cutar Corona kamar yadda ma’aikatar Ilimi ta Kasa ta ba da umarni.

Egbemode, ta cikin sanarwar ta kara da cewa, gwamnatin jihar za ta sanya idanu sosai yayin da aka dawo karatu don ganin dalibai suna bin ka’idojin da ya kamata.