Jihohin da suke ikirarin kirkiro da ‘yan sandan jihohi basa iya albashi – Buhari

Fadar shugaban kasa ta ce da yawa daga cikin jihohin da ke ikirarin neman basu damar kirkiro da ‘yan sandan jihohi ba sa ma iya biyan albashi na ma’aikatan da su ke da shi a wannan lokaci.

Babban mataimaki na musamman ga shugaban kasa kan harkokin yada labarai Garba Shehu ne ya bayyana haka yayin zantawa da gidan talabijin na Channels.

Malam Garba Shehu ya ce ya kan yi mamaki idan yaji jihohin da ma’aikatansu ke binsu tarin albashi na watanni masu yawa amma suna korafin cewa sai an basu dama sun samar da ‘yan sanda.

Y ace gwamnatin tarayya tana iya kokarimnta wajen ganin ta dakile ayyukan batagari a kowane sassa na kasar nan.

Malam Garba Shehu ya kuma ce wannan dalili ne ya sanya gwamnati ta ke kokarin ganin an samar da ‘yan sandan al’umma wanda zai taimaka gaya wajen magance matsalolin tsaro.