John Terry ya bar Aston Villa don neman aikin manaja

John Terry ya bar matsayinsa na mataimakin mai horar da kungiyar kwallon kafa ta Aston Villa bayan shafe shekaru uku a kungiyar.

Terry mai shekaru 40, yazo Villa ne a matsayin dan wasa a shekara 2017 har zama kyaftin.

Ya buga wasanni 32 a kungiyar a kakar wasa ta 2017 zuwa 2018 kafin daga baya ya zama mataimaki ga mai horarwa Dean Smith a watan Oktoban 2018.

Terry ya taimakawa Smith wajen samun ci gaba a gasar Championship a watan Mayun 2019.