Kaduna-Abuja: Iyalan wadanda aka yi garkuwa da su a jirgin kasa sun fito zanga-zanga

Iyalan wadanda masu garkuwa da mutane suka sace a jirgin kasan da ya taso daga Abuja zuwa Kaduna sun fara gudanar da zanga-zanga a jihar Kaduna da babban birnin tarayya Abuja.

Iyalan dainsun zargin cewa duk da garkuwa da yan uwansu fa aka yi, gwamnati ta yi shiru ba ta ce komai, duk da halin da yan uwan su ke ciki.

Har ma suka yi kira ga gwamnatin tarayya da ta yi duk mai yiwuwa wajen ceto musu yan uwansu.

Wasu daga cikin iyalan da aka yi garkuwa da yan uwansu

Iyalan dai na dauke da kwalaye masu rubutu da ke nuna bukatarsu ga hukumomi su shiga cikin lamarin.

Iyalan wadanda aka yi garkuwa da su kenan

Wannan dai ya biyo bayan wani gajeran bidiyo da yake yawo a kafafen sada zumunta, wanda ke nuna yadda masu garkuwa da mutanen ke azabtar da su.

Har ma a ciki suka sha alwashin ci gaba da azabtar da su har zuwa lokacin da gwamnati za ta waiwaye su.