‘Yan bindiga sun yi garkuwa da ma’aikatan filayen jiragen sama

‘Yan bindiga sun kai hari rukunin gidajen jami’an hukumar kula da filayen jiragen saman kasar nan da ke garin Kaduna, inda suka sace mutane tara.

Rahotanni sun ce cikin wadanda ‘yan bindigar suka yi garkuwa da su, har da iyalan wani gida su shida da wata matar aure da ‘ya’yanta biyu.

Shaidun gani da ido sun ce ‘yan bindigar sun samu nasarar shiga rukunin gidajen ma’aikatan filin jirgin saman ne ta titin sauka da tashin jirage da ke cikin filin jirgin.

Lamarin ya kuma faru ne da misalin karfe goma sha biyu da rabi na daren jiya.