Kano Pillars ta dakatar da kocinta Abdu Mai-Kaba

Karkashin shugabancin kungiyar kwallon kafa ta Kano Pillars Alhaji Babangida Little ya ayyana dakatar da mai horar da yan wasan kungiyar Abdu Maikaba yau.

Ya bayyana dakatarwar da kuma kafa wani kwamiti wanda zai binciki kocin kuma idan aka sameshi da laifi to zai fuskanci ladaftarwa.

Har kawo yanzu ba’a bayyana ainashin dalilin dakatarwar da akayi masa ba, Amma ana zargin furucin da Abdu Mai-kaba ya furta a lokacin wani taro da kungiyar magoya bayan Kano Pillars sukayi a cibiyar yan jaridu ta jiha ne ya jawo dakatarwar.