Sudan ta aika tawagarta zuwa Saudiya don tattauna tsagaita wuta

Rundunar sojin kasar Sudan ta sanar da aikawa da tawaga zuwa birnin Jeddah na kasar Saudiyya domin tattauna batun tsagaita wuta a wani yunkurin hadin gwiwa tsakanin Saudiyya da Amurka.

Tawagar ta tafi Jeddah ne da yammacin jiya Juma’a bayan da sojojin kasar da kuma rundunar RSF suka ce za su tattauna ne kawai don tsagaita wuta ba wai tattaunawa kan kawo karshen rikici a Sudan ba.

A wata sanarwa da Kasar Saudiyya ta fitar da yammacin jiya Juma’a tace yunkurin na hadin gwiwa na da burin rage tashin hankali a kasar ta Sudan.

Rahoton: Abdulkadir Haladu Kiyawa