Katsina: An yi garkuwa da wasu mata a hanyar zuwa gidan biki

Wasu Mahara dauke da makamai sun sace mata 17 kan hanyarsu ta zuwa gidan biki a karamar hukumar Faskari dake jihar Katsina.

Mafi akasarin matan na goye da kananan yara lokacin da lamarin ya faru, kuma masu satar ta su sun sace su lokacin da sawu ya dauke sakamakon tsananin sanyi da ake yi Arewacin Nigeria.

Al’ummar yankin dai na ci gaba da kokawa kan dawowar hare-haren yan bindiga, kamar yadda wani mazaunin yanki yayi bayani ga me da sace su.

“Ya ce, har yanzu maharan basu bukaci kudin fansa ba sai dai sun sako guda daga cikinsu da yaron ta bashi da lafiya”.