Ko ‘Da na ‘yan bindiga su ka yi garkuwa da shi ba zan basu kudin fansa ba – El-Rufai

Gwamnan jihar Kaduna Malam Nasir El-Rufai, ya ce, ko da dansa ‘yan bindiga suka sace su ka yi garkuwa da shi, ba zai taba basu kudin fansa domin su sake shi ba.

Gwamnan na Kaduna ya bayyana hakan ne a yau juma’a yayin zantawa da manema labarai.

A cewar sa, ya sha fada zai kuma fada ko da dansa ne aka sace aka yi garkuwa da shi, ba zai biya kudin fansa ba.

A cewa gwamnan na Kaduna maimakon ya biya kudin fansa ga ‘yan bindiga su saki dan nasa, gara ya yi masa addu’ar cikawa da Imani.

Ya kuma ce har yanzu gwamnatinsa tana kan bakarta ba za ta biya kudin fansa don ‘yan bindiga su saki daliban kwalejin nazarin sirrai da gandun daji ta Kaduna wadanda ‘yan bindiga su ka yi garkuwa da su a kwanakin baya ba.