Kano: Kotu ta umarci a sake shari’ar matashin da ake zargi da ɓatanci ga Musulunci

Kotun ɗaukaka ƙara da ke Kano ƙarƙashin mai shari’a Nasir Saminu da babban jojin Kano sun bada umarnin komawa domin a sake shari’ar matashin da aka yanke wa hukuncin kisa.

A zaman Kotun na Alhamis mai shari’a Nasir Saminu ya ce, akwai kura-kurai a cikin shari’ar da aka yi masa a baya.

Mai shari’ar ya ce, an samu rashin shawarwari daga wajen lauyoyin wanda ake tuhuma.

A baya dai wata kotun shari’ar Musulunci ce ta yanke wa matashin Yahya Aminu Sharif hukuncin kisa bisa samunsa da laifin yin ɓatanci ga fiyayyen halitta (s.a.w).

Muna tafe da ci gaban labarin a nan gaba.