Kungiyar kwallon kwando ta Najeriya D’Tigers ta casa takwararta ta kasar Uganda

Kungiyar kwallon kwando ta Najeriya D’Tigers ta casa takwararta ta kasar Uganda da ci 102 da 86 a zagayen farko na gasar cin kofin duniya da za a yi a shekarar badi.

Kungiyar ta D’ Tigers za ta kuma ke ce raini da ‘yan wasan kasar Mali a ranar Lahadi a rukuni na B, yayin da kuma za a yi zagaye na biyu na wasannin a watan Yuni mai kamawa.

A dai gasar, duk kungiyar da ke kan gaba cikin rukunoni biyar su ne za su wakilci nahiyar Afirka a yayin gasar ta cin kofin duniya ta wasan kwallon a yi a shekara mai zuwa.