Kungiyar NUJ ta yi Allah-wadai da harin bom da aka kai Katsina

Kungiyar ‘yan jaridu ta kasa reshen jihar Katsina ta yi Allah-wa’adai da harin bom da aka kai ya yi sanadiyar mutuwar yara kanana biyar a jihar Katsina.

NUJ ta kuma yi kira ga gwamantin jihar ta Katsina da ta dauki matakan kare alummar jihar baki daya.

Wannan na kunshe cikin sanarwar da shugaban kungiyar reshen jihar ta Katsina Tukur Dan-Ali ya sanya wa hannu cewa kamata ya yi gwamnati ta kama tare da gurfanar da wadanda suka aikata hakan.

Kungiyar ta aike da ta’azziyar ta ga gwam,natin jihar da iyalai da ‘yan uwan wadanda suka rasa rayukar su da mahaifin yaran Alhaji Hussaini Mai-kwai

A dai ranar Asabar ne wani bom ya tashi da kananan yara biyar a kauyen Yammama a karamar hukumar Malumfashi dake jihar ta Katsina.