Kurket: Najeriya ta yi rashin nasara a hannun kasar Kenya

Kasar Kenya ta doke Najeriya a wasan Kwallon Kurket (Cricket ), ta kasashe Uku mai taken 4 Tri series dake gudana a kasar Uganda.

Wasan wanda ya gudana Litinin 13 ga Satumbar shekarar 2021, Kasar Kenya ta samu galaba akan Najeriya da gudu 162 ,inda dan wasa Irfan Karim ya samo nasarar gudu 60 da kama Kwallo 45, sai dan wasa Alex Obanda da gudu 33 tare da Rushab Patel da nasarar gudu 26, duk daga kasar ta Kenya.

Kurket: Yan wasan Najeriya sun sauka a kasar Botswana domin wasan share fagen cin kofin Duniya

Daga bangaren Najeriya dan wasa Prosper Useni , ya yi rawar gani inda har ya Samar da makin gudu 17 , da doke sanda sau biyu.

Sai ‘yan wasa Daniel Ajekun mai makin gudu 22 da Joshua Ayannaike da 12 kana Elijah Olalaye da 16, sai Taiwo Muhammad da 21 tare da Mustapha Yusuf mai 12.

Nasarar ta Kenya ta kammala akan Najeriya da gudu 62, Bayan da ‘yan wasan ta Vraj Patel da Peter Koech suka samar Mata da dukan sanda kowanne biyu a cikin su.