Kwamishinan ‘yan sandan Kano ya kai tallafi ga ‘yan gudun hijira

Kwmishinan ‘yan sandan jihar Kano CP Habu Ahmad Sani, ya ziyarci Makarantar yara ‘yan gudun hijira da ke mariri tare da kai musu tallafin kayan abinci da na sana’o’in dogaro da kai.

Kwamishinan na wannan ziyara ne a ci gaba da bikin murnar cikarsa shekara daya a matsayin kwaminan ‘yan sandan jihar Kano.

Habu Ahmad Sani, yayin ziyarar yayi alkawarin ci gaba da bin duk wasu hanyoyi da tsarin aikin dan sanda ya tanadar domin kare rayuka da dukiyoyin jama’a.

A nasa jawabin Babban malami a Makarantar ‘yan gudun hijirar Malam Usman Rabe, ya godewa Kwamishinan bisa tallafawa marayun.