Lauyan Barcelona na yunkurin dakatar da cinikin Lionel Messi

Kungiyar kwallon kafa ta Barcelona ta shigar da korafi a gaban hukumar tarayyar Turai a yankurin dakatar da Lionel Messi daga ficewa daga kungiyar.

Lauyan dake wakiltar Barcelona ne ya gabatar da korafin yana kalubalantar damar da PSG ke da ita na ka’idar kudaden da zata iya kashewa wajen sayan dan wasa bai kai darajar na Barcelona.

A yau Litinin ne 9 ga watan Augusta PSG ke dakon zuwan Messi don ci gaba da taka leda a kungiyar.

Messi ya tabbatar da ficewarsa daga Barcelona bayan da ya shafe shekaru 21 a kungiyar, yayin da yake bankwana a ranar Lahadi 8 ga watan Augustan 2021.

Ya ce, a shirye yake da ya rage albashinsa da kaso 50 domin ya ci gaba da zama a kungiyar.