Limamai na da gagarumar gudumawa wajen kawo karshen shaye-shaye – Majalisar Malamai

Shugaban majalisar malamai na shiyyar Arewa maso yamma Malam Ibrahim Khalil ya ce limamai na da rawar takawa wajen wajen wa’azantar da matasa illar shaye-shaye.

Malam Ibrahim Khalil ya ja hankalin Limamai dasu zage damtse wajen wayar da kan al’umma kan illar shaye shayen miyagun kwayoyi.

Malamin ya bayyana hakan ne yayin taron karawa Juna sani wanda kungiyar yaki da ta’ammali da miyagun kwayoyi ta (LESPADA) ta shirya a nan Kano.

Shugaban majalisar ta Malamai, ya ce kamata iyaye su rka saurarar koken yaran su musamman bangaren bukatunsu na yau da kullum don kaucewa fadawarsu cikin ta’ammali da kayan maye.