Mafaurata sun hallaka ‘yan bindiga 47 a Jihar Neja

Mafarauta sun kashe kimanin ‘yan bindiga 47 da ke addabar Yankin Shiroro a jihar Neja.

Mafarautan, sun sami nasarar kashe ‘yan bindigar ne tun a ranar laraba karkashin wani atisaye da suka gudanar a Magami dake tsakanin Shiroro da Karamar Hukumar Rafi.

Wani jami’in leken asirin ‘yan sanda, wanda ya nemi a sakaya sunansa, ya tabbatar da cewa wasu’ yan bindiga sun kuma tsere da raunin harbin bindiga, baya ga wadanda aka kashe.