Mafi yawa na ƴan bindiga da ke kashe mutane ƴan uwan mu ne musulmi – Bala

Gwamnan jihar Bauchi sanata Bala Abdulƙadir Muhammed ya ce mafi yawa na ƴan ta’adda da ke aikata ayyukan ash-sha a ƙasar nan a wannan lokaci musamman ƴan bindiga da ke kashe mutane babu gaira babu dalili da kuma masu satar mutane suna garkuwa da su mabiya addinin islama ne.

Saboda haka gwamnan ya buƙaci al’ummar musulmi da su daina boye wadanda suka san cewa ƴan ta’adda ne maimakon haka su riƙa mikasu ga jami’an tsaro.

Gwamna Bala Abdulƙadir Muhammed ya bayyana hakan ne bayan kammala sallar idi a jiya alhamis.

Gwmanan na Bauchi ya kuma buƙaci gwmanatin tarayya da ta ƙara kaimi wajen daƙile matsalolin tsaro da ke addabar ƙasar nan