Magudin zabe : Za’a gurfanar da malaman jami’o’i a kotu kan da tafka magudi

Kwamishinan  zabe na jihar Akwa Ibom Mr Mike Igini ya ce hukumar zabe ta tabbatar da zargin da ake yi wa wasu malaman jami’o’I 3 na da hannu dumu-dumu wajen aikata magudin zabe a babban zaben da aka yi a kasar nan.

Mr Mike Igini ya bayyana hakan ne a lokacin da yake jawabi ga manema labarai a shalkwatar hukumar dake Uyo ya ce sakamakon hakan hukumar ta kore jami’an daga aiki.

A cewar kwamishinan zaben nan bada jimawa ba za’a gurfanar da malaman jami’o’in a kotu.

Sai dai kwamishinan zaben bai Ambato sunayen malaman jami’o’in ba a ya yin da yake jawabin ba.