Mahaifin Messi zai tattauna da Bacerlona kan sauya sheka da dan wasan zai yi

Tun daga lokacin da dan wasan kungiyar kwallon kafa ta Bacerlona Lional Messi, ya bayyana aniyyar sa ta san barin kungiyar, inda kungiyoyin kwallon kafa daban-daban a turai suka dukufa wajen son daukan dan wasan dan asalin kasar Argentina.

A yau Laraba dai mahaifin Lionel Messi ya isa kasar ta Sufaniya domin tattaunawa da shugaban kungiyar ta Bacerlona Josep Maria Bartomeu kan yunkurin da dan wasan yake na son barin kungiyar a bana.

A kwai yuwuwar dai dan wasan Messi, mai shekara 33, ya koma kungiyar Manchester City inda tunima ya amince da tayin shekara biyar da ita.

Manchester City dai ta yiwa dan wasan Messi tayin £623m kuma zai kwashe shekaru uku a kungiyar kafin ya tafi Newyork City.