Connect with us

Kiwon Lafiya

Majalisar dinkin duniya ta yi Allawadai da harin da ‘yan bindiga a jihar Kaduna

Published

on

Majalisar dinkin duniya ta yi Allawadai da harin da ‘yan bindiga suka kai a wani kauye da ke yankin karamar hukumar birnin Gwari a jihar Kaduna wanda ya yi sanadiyyar mutuwar mutane da dama.

 

Babban sakatare Janar na majalisar Antonio Gutteres ne ya bayyana haka ta cikin wata sanarwa da mai magana da yawunsa Stephane Dujarric ya fitar jiya a shalkwatar hukumar da ke birnin Washington DC.

 

Antonio Gutteres ta cikin sanarwar dai ya kuma ce ya zama wajibi hukumomi a kasar nan su zakulo wadanda ke da hannu cikin lamarin domin gurfanar da su gaban kuliya.

 

Sanarwar ta kuma ruwaito Antonio Gutteres na jajantawa iyalai da ‘yan uwan wadanda lamarin ya shafa.

 

A ranar Asabar din makon jiya ne dai wasu ‘yan bindiga suka hallaka mutane sama da saba’in a kauyen Gwaska da ke yankin karamar hukumar birnin Gwarin jihar Kaduna.

 

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 333,224 other subscribers.

Copyright © 2019. Freedom Radio Group. All Rights Reserved.

error: Content is protected !!