Majalisar dokokin Kano ta tsige shugaban masu rinjaye

Majalisar dokokin jihar Kano ta tsige shugaban masu rinjaye na majalisar Abdul Labaran Madari.

Hakan ya biyo bayan amincewa da kudirin gaggawa da Dan majalisa mai wakiltar karamar hukumar Bunkure Muhammed Uba  Gurjiya ya gabatar yayin zaman majalisar da safiyar nan.

Majalisar ta Kuma zabi mataimakin shugaban majalisar Kabiru Hassan Dashi da ya zama sabon shugaban masu rinjaye na majalisar, yayin da mamba mai wakiltar karamar hukumar Munjibir Tasi’u Ibrahim Zabaina ya zama sabon mataimakin shugaban masu rinjaye na majalisar.