Makaho ya lashewa Kano Lambar Zinare a gasar Para Games

Acigaba da gudanar da gasar masu buƙata ta musamman ta ƙasa (National Para Games ) a birnin tarayya Abuja, ‘yan wasan jihar Kano na cigaba da taka rawar gani wajen lashe Lambobi na nasara a gasar.

Daga cikin nasarorin har da ta Dattijo mai shekara 71 , mai lalurar makanta (Blind ), Yahaya Usman da ya samu zama zakara a wasan kurme (Tseren Ruwa na Swimming), na wasan Mita 100.

Ya yin da ɗan wasa Sulaiman Taiwo ya lashe gasar tseren mita 100 a lambar Zinare , sai Fausat Savage data samu lambar Tagulla a jifa mai nisa na Dalma (Shortput).

Ɗan wasan tseren mita 100 , Micheal Olushola, ya lashe lambobin Zinare da Azurfa , a wasan Tennis sai Abiodun Ayodeye da ya lashe lambar Zinare a wasan..

A bangare ɗaya ‘yar wasa Shakirat Abolaji ta lashe lambar azurfa guda biyu a wasan motsa jiki sai ɗan wasaLawanson Sheriff da ya ɗau Azurfa, shima a wasan motsa jiki na Para Athletic.

Ajayi Stephen mai wasan motsa jiki na Para Athletic ya samu nasarar ɗaukar Tagulla a cikin nasarorin da jihar Kano ke cigaba da samu a gasar.