Manema labarai suna da damar da za su iya canza komai a kasa – CDE

Cibiyar ci gaban al’umma da wayar da kai ta ce, manema labarai sune ke da kaso mai yawa na inganta yadda ake gudanar da shugabanci a kasa.

Shugaban cibiyar Ambasada Ibrahim Abdullahi Waiya ne ya bayyana hakan yayin taron wuni daya da cibiyar ta shiryawa manema labarai a jihar Kano.

Ya kuma ja hankalin manema labarai da su kara jajir cewa a kan ayyukan su, musamman wajen fito da gaskiya.

A cewar sa idan dan jarida ya jajir ce zai samu duk abin da ya kamata.

Taron ya gudana a ranar Laraba 4 ga watan Disambar shekarar 2024.