Marseille ta bude makarantar wasanni a Najeriya

Kungiyar kwallon kafa dake kasar Faransa wato Olympique Marseille za ta bude makarantar koyar da wasanni a cikin sashin koyon harkokin wasanni dake jami’ar Port Harcourt ta jihar Rivers a Najeriya.

Makarantar ta kunshi filin wasa da wajen motsa jiki da wajen guje-guje da tsalle-tsalle da asibiti da ajujuwa da ofis-ofis da gidan shakatawa da kuma otel.

A yanzu haka makarantar na da dalibai 200 wadan da zasu amfana da sabon tsarin bada horo a makarantar karshen watan Janairun sabuwar shekara mai zuwa.

Marseille dai na daya daga cikin manyan kungiyoyin kwallon kafa a nahiyar turai da take kokarin kawo ilimi da nishadi da kayatarwa tare da kuma gina rayuwar yan Afrika.