Masu cutar Corona 11,828 sun warke a Najeriya

Cibiyar dakile bazuwar cutuka ta Najeriya NCDC ta ce mutum 11,828 sun warke daga cutar Corona a kasar.

Hakan na kunshe ne cikin sanarwar da NCDC ta fitar a shafinta na Twitter, wanda ta ce a ranar Litinin an samu karin mutane 575 wadanda suka kamu da cutar a jihohi 19 na kasar, da kuma birnin tarayya Abuja.

NCDC ta ce zuwa yanzu mutum 29,286 ne aka tabbatar sun kamu da cutar Corona a sassan kasar nan.

654 daga ciki cutar tayi ajalin su.

Hakan na nufin yanzu masu masu cutar Corona 16,804 ne su ka rage a Najeriya, wadanda ke cigaba da samun kulawa daga jami’an lafiya.