Masu garkuwa sun kashe dan majalisa a Bauchi

Wasu da ake zargin ‘yan bindiga ne sun hallaka dan majalisa mai wakiltar kananan hukumomin Baraza da Dass dake jihar Bauchi Alhaji Musa Mante a ranar Alhamis.

Rahotani sun bayyana cewa bayan hallaka Dan majalisar ‘yan bindigar sun kuma yi garkuwa da matansa guda biyu da kuma Dan sa daya, a gidansa dake karamar hukumar ta Dass.

Mai magana da yawun rundunar ‘yan sandan jihar Bauschi DSP Ahmed Wakil ya tabbatar da faruwar lamarin.

DSP Ahmad Wakil y ace, tuni suka baza jami’an su domin gano wadannan suka aikata.