Mun amince da ingancin rigakafin corona – Kungiyar gwamnoni

Kungiyar Gwamnonin Najeriya ta sake jaddada amincewarta game da ingancin allurar Astra Zeneca ta COVID-19.

Batun dai na cikin wata sanarwa da shugaban kungiyar Kayode Fayemi na Jihar Ekiti ya sanyawa hannu, jim kadan bayan taron da kungiyar ta gudanar karo na 28 a Abuja.

Sanarwar ta ce gwamnonin sun tattauna ne kan batutuwan da suka shafi kasar, musamman kan batun yiwa al’umma alluran rigakafin COVID-19 da kuma batutuwan da suka shafeta.

A cewar sanarwar Fayemi ya bayyana farin cikin sa kan yadda gwamnonin jihohi suka amince aka fara yi musu rigakafin corona a banar jama’a.

A cewar sa da allurar na da wata illa da tuni ta bayyana ga gwamnonin da aka yiwa da kuma sauran mutanene da suka karba.