Mun amince da sabon canjin ‘yan wasa a fili – LMC

Kamfanin shirya gasar cin kofin kwararru ta Najeriya wato LMC ya tabbatar da amincewa da yin canjin ‘yan wasan sau biyar yayin gudanar da gasar NPFL a kakar wasa ta 2020/2021.

A dai farkon watan Oktoba da muke ciki ne hukumar kwallon kafa ta Najeriya NFF ta bada damar dawowa ci gaba da gasar ta NPFL ranar 15 ga watan Nuwamba bayan da aka dakatar da wasanni tsawon watanni 8 sakamakon cutar COVID-19.

LMC: An saka sharuda ga kungiyoyi a kan dawowa gasar

LMC za ta wayar da kan kungiyoyi a kan lasisi

Shugaban kamfanin na LMC Shehu Dikko ya ce a kowane lokaci dan wasa ka iya samun rauni duba da yadda aka dade ba tare da yin wasanni ba, hakan ne ya saka aka bada damar yin canji har sau biyar ga kowace kungiya.