CAF: Dan kasar Kenya ne zai busa wasan Najeriya da Sierra Leone

Hukumar kwallon kafa ta Afirka CAF ta zabi dan kasar Kenya Peter Kamaku a matsayin alkalin wasa da zai jagoranci wasan Najeriya da Sierra Leone a neman tikitin gasar cin kofin Afirka da za a yi a wata mai kamawa.

Super Eagles za ta hadu da Leone Stars a wasan farko da za a gudanar a filin wasa na Samuel Ogbemudia na birnin Benin dake jihar Edo a watan Nuwamba mai zuwa.

Kamaku ne zai jagoranci alkalancin wasan yayin da Gilbert Kipkoech Cheruiyot da Tony Mudanyi Kidiya da kuma Anthony Juma Ogwayo za su taimaka masa wajen kula da alkalancin wasan.

Najeriya dai na kan gaba a rukunin L da maki 6 bayan da ta yi nasara kan kasar Benin da Lesotho a shekara ta 2019, yayin da Sierra Leone ta kasance a baya cikin rukunin inda ta yi rashin nasara a wasan ta biyu na farko.