Mun dage zaman majalisa sai bayan bukukuwan Easter – Ahmad Lawan

Majalisar dattawan kasar nan ta dage zamanta zuwa ranar 13 ga watan Afrilu, don yin shagulgulan bikin Easter.

Shugaban majalisar Ahmad Lawan ne ya bayyana hakan a jiya Laraba 24 ga watan Maris din 2021 jim kadan bayan kammala zaman majalisar.

A cewar Ahmad Lawan majalisar za ta ci gaba da hutun Ista amma kwamitocin ta za su ci gaba da ayyukan su.

Shugaban majalisar ya kara da cewa, da zarar an dawo daga hutun, kwamitocin za su gabatar da rahotannin da suka tattara a gaban majalisar don dorawa a inda aka tsaya.