Mun fitar da jadawalin karshe na zaben cike gurbi – INEC

Hukumar zabe mai zaman kan ta ta kasa INEC ta fitar da jadawalin karshe na yadda zaben cike gurbi na gwamnan jihar Ondo zai kasance a ranar 10 ga watan Octoban shekarar da muke ciki.

Hakan na cikin wata sanarwa da jami’in wayar da kai na hukumar zabe ta kasa INEC Festus Okoye ya fitar a Abuja.

Okoye ta cikin sanarwar ya bayyana cewa jadawalin wanda hukumar ta INEC ta aike da shi zuwa kananan hukumomin da ke jihar ta Ondo kuma za a iya samun jadawalin a Website din hukumar.

Sanarwar ta bayyan cewa hukumar ta sanya ranar 18 ga watan Agusta ya zamo ranar da za a kammala karbar takardun sunayen yan takara a kowacce jiha sai dai har kawo yanzu jam’iyyu hudu ne kacal suka mika da takardar sunayen ‘yan takarar ta su.

Ta cikin sanarwar dai, Okoye ya ce hukumar a zamanta na ranar alhamis ta yanke hukuncin fara gabatar da zaben gwamnan jihar Ondo da kuma sauran zabubbukan cike gurbi da za gudanar.