Mun karbi korafe-korafe fiye da kowanne lokaci daga farkon shekara nan – Hisbah

Hukumar Hisbah ta jihar Kano ta ce ta karbi korafe-korafen aure fiye da kowanne lokaci daga farkon shekarar da muke ciki zuwa yanzu.

Babban kwamandan hukumar Shiekh Muhammad Harun Ibn Sina ne ya bayyana hakan ga freedom redio.

Ya ce, matsalolin auren da ke faruwa a yanzu abubuwa ne da suke faruwa tun daga tushe wanda kuma da zarar an fara zaman auren sai zamantakewar ta gagara.

Ibn Sina ya kuma ce cikin rahotannin da suka tattara sun gano cewa mafi yawan matsalolin da ake samu na faruwa ne sakamakon auren dole.