Manyan Labarai
Mun samu rahoton aikata ba daidai ba a wasu mazabu-Abdulmumini Jibrin.
Daga Abdullahi Isa
Dan takarar jam’iyyar APC a zaben dan majalisar wakilai da ke gudana a yau a yankin kananan hukumomin Kiru da Bebeji, Abdulmumini Jibrin, Kofa, ya ce sun samu labarin aikata laifuffukan zabe a wasu daga cikin mazabun kananan hukumomin guda biyu.
Abdulmumini Jibrin wanda ke zantawa da manema labarai bayan ya kada kuri’arsa a cibiyar zabe ta Kai’lu da ke Kofa a yankin karamar hukumar Bebeji.
Idan ba’a farga ba Yan siyasa zasu yi amfani da Almajirai a matsayin ‘’Yandaba- Sarki Sunusi II
Shugaba Buhari ya ja kunnen yan siyasa kan yakin neman zabe
”Magana ta gaskiya a wasu mazabun wakilanmu sun tabbatar mana cewa ana aikata abubuwa marasa dadi amma ba zamu ce komai ba kan wannan batu a yanzu sai nan gaba.” inji Abdulmumini Jibrin Kofa.
Sai dai ya ce ya gamsu da yadda zaben ke gudana a mazabar sa saboda komai ya wakana lami lafiya.
Freedom Rediyo ta gano cewa an samu karancin fitowar jama’a a da dama daga cikin mazabun da ke yankunan kananan hukumomin biyu.
