Mun san maboyar ƴan bindiga tsoron kashe fafaren hula ya sanya bamu gama da su ba – Lai Muhammed

Ministan yada labarai da raya al’adu Alhaji Lai Muhammed ya ce, gwamnatin tarayya tana iya kokarinta wajen ganin ta kawo karshen matsalolin tsaro da ke addabar kasar  nan.

Ya ce, cece-kucen da ake yi cewa gwamnati ba ta tabuka abin azo a gani kan matsalar tsaro ba gaskiya bane, domin kuwa nan ba da jimawa ba za a ga sakamakon ayyukan da gwamnati ta yi kan dakile matsalar tsaro.

Hakan na cikin wata sanarwa ce da ma’aikatar ta yada labarai ta fitar, tana mai cewa Alhaji Lai Muhammed ya bayyana hakan ne yayin wani taron manema labarai a Lagos.

Alhaji Lai Muhammed ta cikin sanarwar dai ya kuma ce gwamnati tana sane da maboyar ‘yan bindiga kawai dai tana bin hanyoyin da doka ta tanada ne domin gudun amfani da karfi da ya wuce kima wanda sanadiyar haka ya janyo rasa rayukar fararen hula da ba su ji ba, ba su gani ba.