Mun sauya wa wasu manyan jami’an ‘yan sanda wurin aiki – Sifeton ‘yan sanda

Sifeto Janar na ‘yan sandan kasar nan Muhammed Adamu ya amince da yiwa wasu manyan jami’an rundunar sauyin wajen aiki.

Hakan na cikin wata sanarwar ce mai dauke da sa hannun mai magana da yawn rundunar DCP Frank Mba.

Sanarwar ta ce, cikin wadanda aka yiwa sauyin wajen aikin sun hada da: DIG Sanusi Lemu wanda ya koma sashen gudanar da ayyuka sai kuma AIG Usman Baba da ya koma mai rikon mukamin sashen kula da mulki da kudi na rundunar.

A cewar sanarwar dai, sauyin wajen aikin da aka yiwa manyan jami’an yana alaka ne da ritaya da DIG Abdulmajid Ali da kuma DIG Abduldahiru Danwawu su ka yi.

Haka zalika sufeto na ‘yan sandan ya kuma amince da nada AIG Mustapha Dandaura a matsayin sakataren rundunar.