Mun shiga yaki da yada labaran bogi – NFF

Hukumar kwallon kafa ta Najeriya NFF ta sha alwashin bayar da gudunmowa wajen dakile yada labaran bogi a fadin kasar nan.

Shugaban hukumar Amaju Pinnick ne ya bayyana hakan yayin kaddamar da kwamitin yada labaran hukumar a birnin tarayya Abuja.

Pinnick da ya samu wakilcin mamban kwamitin gudunarwar hukumar Ibrahim Gusau, ya bukaci mambobin kwamitin da su tashi tsaye wajen yaki da yada labaran bogin.

Ya kuma ce babban yaki a yanzu shine ganin an kawo karshe yada labaran bogin tare da tabbatar da sahihan labarai a kafar Internet.