Connect with us

KannyWood

Muna da alaka mai kyau da ‘Yan sanda -Rukayya Dawaiya

Published

on

Fitacciyar jarumar nan Rukkaya Umar da aka fi sani da Rukayya Dawaiya ta bayyana cewa suna da  kyakkyawar alaka da  hukumomin ‘Yan sanda domin  suna   matukar taimaka musu wajan gudanar da wasannin kwaikwayo.

Rukayya Dawayya ta bayyana haka ne lokacin da take tattaunawa ta musamman da Freedom Radio.

Tace hukumar ‘Yansanda tana  basu kayan sawa,da motocin da suke jerin gwano da kuma basu Dansandan da zai ke nuna musu yadda ake sa kaya da maganganu da ‘’Yansanda.

Yar wasa Rukayya Dawaiya   tace inda har sun turawa hukumar ‘Yan sanda da takardar sanarwa da kuma abin da suke bukata kafin lokacin gudanar da wasan su basa samun matsala.

Ta kara da cewa ta shafe tsawon kamar  shekara sha biyar ta na sana’ar wasan Hausa,inda tace ta samu nasarori da yawa a sana’ar.

“Daga cikin nasarorin da nake alfahari da shi akwai alfaharin da mijina ke yi da ni na samun fitacciyyar jaruma wacce al’ummar Duniya ke alfahari da ita”

Tace matsalolin da suke samu a da na guraran da za su gudanar da wasa  ya zamo tarihi tun da a yanzu suna samun gidajen mutane da na ‘’Yan kasuwa da gidansarauta da gidajen Malamai.

KannyWood

Naziru ya yi Murabus daga Sarkin Wakar Sarkin Kano

Published

on

Fitaccen mawakin Hausar nan, Nazir M. Ahmad, yayi murabus daga sarautar sa ta Sarkin Wakar Sarkin Kano.

Cikin wata sanarwa da Nazirun ya sanyawa hannu mai dauke da kwanan watan ranar 13, ga watan Maris din da muke ciki, Naziru ya ce ya ajiye sarautar nan take.
Sannan yayi godiya ga masarautar Kano bisa bashi wannan sarauta da ya shafe shekara guda akan ta.

Idan zaku iya tunawa dai a watan Disamba na shekarar 2018 ne, Sarkin Kano na wancan lokacin Muhammadu Sanusi II ya nada Nazir M. Ahmad matsayin Sarkin Wakar Sarkin Kano.

Naziru M. Ahmd yayi suna wajen wakar sarakuna.

Wakar sa mai farin jini da ya yiwa Sarkin Kanon na wancan lokaci ita ce “Mata ku dau turame” wadda har yanzu jama’a ke cigaba da yayin ta, ta yadda akan sanya wakar a mafi yawan bukukuwa da ake gudanarwa a kasar Hausa, kamar yadda wani rahoton BBC Hausa ya bayyana a makon da ya gabata.

Continue Reading

KannyWood

Yanzu-yanzu: Mahaifin Umar M. Sheriff ya rasu

Published

on

Rahotonni daga jihar Kaduna na cewa Allah ya yiwa Malam Sheriff Muhammad rasuwa a daren Litinin dinnan.

Marigayin mahaifi ne ga fitaccen mawakin Hausar nan Umar M. Sheriff da kuma jarumai a masana’antar fina-finan Hausa Abdul, da Umar M. Sheriff.

Daya daga cikin makusantan Umar M. Sheriff a masana’antar Kannywood Kuma fitaccen mai shirya fina-finan Hausa Abubakar Bashir Mai Shadda shi ne ya tabbatarwa da Freedom Radio wannan rasuwa.

Za ayi jana’izar marigayin a gobe Talata idan Allah ya kaimu, a gidan marigayin dake ‘Yan Kifi a Rigasa ta jihar Kaduna.

Muna fatan Allah ya gafarta masa, ya sanya aljannah makoma Amin.

Continue Reading

KannyWood

Addu’o’I sun fara nasara a Kannywood

Published

on

Gamayyar masu shirya fina-finan Hausa sunyi wani zaman na musamman don kawo gyara a masana’antar.

Zaman wanda ya gudana a ranar alhamis din da ta gabata, ya hadar da kungiyar masu shirya fina-finan hausa ta kasa wato MOPPON karkashin jagorancin shugabanta Dakta Ahmad Sarari.

Sai kuma dattawan kungiyar Arewa Film Makers Association of Nigeria.

Wannan taro dai ya biyo bayan addu’o’in da azumi da ‘yan masana’antar suka fara a makon da ya gabata.

Da yake jawabi jim kadan bayan kammala taron shugaban kungiyar MOPPON Dakta Ahmad Sarari ya ce sun cimma matsaya ta tabbatar da hadin kai a tsakanin ‘ya’yan masana’antar domin ciyar da sana’ar gaba.

Karin labarai:

Halin da ake ciki a Kannywood a wannan mako

Kun san jaruman da sukafi yawan mabiya a Kannywood?

Ita ma a nata bangaren Rashida Adamu Mai Sa’a ta bayyana cewa babban abinda suka a gaba shi ne ciyar da masana’antar gaba, domin basu da abinda yafi masana’antar.

Taron ya samu halartar sakataren kungiyar ta MOPPON Salisu Officer da kuma Sani Sule da Rashida Adamu Abdullahi Mai sa’a daga kungiyar Arewa Film Makers.

Sai kuma Kabiru Mai Kaba, shugaban kungiyar MOPPON ta jihar Kano, da kuma Jamilu Yakasai shugaban kungiyar Arewa Film Makers na jihar Kano.

Yanzu haka dai tuni gamayyar kungiyoyin suka hallara a jihar Kaduna domin cigaba da gabatar da addu’o’I a yau Asabar.

Continue Reading

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 324,276 other subscribers.

Trending

Copyright © 2019. Freedom Radio Group. All Rights Reserved.

error: Content is protected !!