Mutane 4 sun rasu a fashewar Tukunyar Gas a Sokoto

Akalla mutane hudu ne suka rasu sakamakon fashewar wata tukunyar gas a shagon mai aikin walda da ke karamar hukumar Isaa ta jihar Sakkwato.

Mai magana da yawun rundunar ‘yan sandan jihar DSP Sunusi Abubakar, ne ya tabbatar da faruwar lamarin ga gidan Talabijin na Channels.

Sai dai ya ce, fashewar ba ta da nasaba da rashin tsaro da ake fama da shi a yankin.

DSP Sunusi ya kara da cewa, ba ya ga mutun hudu da suka rasu, akwai wasu mutum uku da suka jikkata, wanda yanzu haka suna karbar magani a asibiti.