Mutum Mutumin Arsenal: Ozil zai cigaba da biyan albashin sa

Dan wasan kungiyar kwallon kafa ta Arsenal, Mesut Ozil ya nemi a bashi dama don ya cigaba da biyan albashin Jerry Quy, da ke yin shigar mutum mutumin Gunners.

A dai ranar Litinin ne kungiyar ta sanar cewa Jerry wanda shi ne ke shigar mutum mutumin Arsenal tsawon shekara 27, yana daga cikin mutane 55 da kungiyar ta kora daga aiki.

Ozil ya ce “Na yi alkawarin zan cigaba da biyan Jerry Quy kudin albashin sa da Arsenal ke biyan sa domin ya samu damar cigaba da aikin sa da yafi kauna kuma ya dade ya nayi.”

Kungiyar ta Arsenal ta fara rage ma’aikatanta lamarin da ta ce ya zama wajibi, saboda tabarbarewar tattalin arziki da cutar COVID-19 ta hadasa.