Na yi nadamar yin wasu waƙoƙi – Mudassir Kassim

Fitaccen mawaƙin Hausar nan Mudassir Kassim ya ce, yayi nadamar yin wasu waƙoƙi a shekarun baya.

A saƙon da ya wallafa ta shafinsa na Facebook ya ce, nan gaba kaɗan zai bayyana waƙoƙin.

Sannan zai bayyana dalilan da ya sa ya yi nadamar yinsu.

Ga abin da ya wallafa.

Mudassir Kassim dai na cikin fitattun mawaƙa da suka yi tashe daga shekaraun 1990 zuwa 2010 wanda kuma har yanzu ana ci gaba da damawa da shi.

Mawaƙin yana cikin sahun farko na mawaƙan fina-finan Hausa.

Daga cikin waƙoƙinsa da suka fi tashe akwai waƙar “Gari Ya Waye…” da waƙoƙin fim ɗin “Zarge” waɗandan suka haɗa da “Ƙwanƙwan…”.

Ya yi waƙoƙi irin su “Rana ta haska baiwa” da “Sakataye…”, waƙar “Ƙauna, don Allah share babu damuwa”, “Jani mai sona jani…”.