Hukumar tace Finafinai ta mayar da yin rijistar ƴan Kannywood ga ƙungiyoyinsu

Hukumar tace Finafinai ta jihar Kano, ta mayar da aikin yin rijistar ƴan masana’antar Kannywood zuwa hannun ƙungiyoyinsu.

Shugaban hukumar Abba Almustapha, ne ya bayyana hakan yayin taron manema labarai da ya gudanar da yammacin yau Litinin.

Abba ya kuma buƙaci ƴaƴan masan’antar ta Kannywood, da su bai wa ƙungiyoyin haɗin kai wajen yin rajistar.

A baya dai hukumar ta soma yi wa ƴaƴan masana’antar rijista inda ta samu suka har ma da goyon baya daga wasu daga cikinsu.