Najeriya ta tura Sojojin ta India domin samun horo

Rundunar sojin ƙasa ta Najeriya ta fara tura jami’anta 600 zuwa ƙasar Indiya domin samun horo na musamman kan yaƙi a dazuka da yankuna masu duwatsu.

Cikin wata sanarwa da kakakin rundunar, Kanal Appolonia Anele ta fitar ta ce rundunar ta ɗauki matakin ne da nufin ƙara ƙwarewar sojojin wajen gudanar da aiki a wurare masu wahalar shiga tare da ƙarfafa rundunar wajen kare cikakken ikon ƙasar Najeriya.

Sanarwar ta ce kashi na farko na jami’ai 300 sun tashi daga filin jirgin sama na Abuja a ranar Alhamis, 22 ga Oktoban 2026, cikin jiragen saman Indiya guda biyu.