NFF ta nada sabon mai horar da kungiyar Super Eagles

Hukumar kwallon kafa ta Najeriya NFF, ta nada Emmanuel Amuneke a matsayin sabon mai horar da ƴan wasan ƙwallon ƙafar ta.

Amuneke dai tsohon dan wasan kungiyar kwallon kafar ta Najeriya ne Super Eagles.

Hakan na cikin wata sanarwa da babban sakataren hukumar ta NFF Dakta Muhammad Sanusi ya fitar a ranar Lahadi 7 ga watan Fabrairun 2022.

Ta cikin sanarwar, NFF ta nada mai horar da kungiyar ta Super Eagles na rukon kwarya, Augustine Eguavoen a matsayin mai bawa Amuneke shawara na rukon kwarya.

Haka zalika sanarwar ta ce nada tsohon dan wasan na Najeriya ya biyo bayan tattaunawa da hukumar ta yi da kwamitin gudanarwar kungiyar ta Super Eagles.