Nigeria: An yiwa mutum na farko riga-kafin Korona

Wani likita mai suna Dr. Cyprian Nyong ya kafa tarihi wajen zama mutum na farko anan Nigeria da aka fara yiwa allurar rigakafin cutar Corona da jami’ar Oxford ta samar mai suna AstraZeneca.

Dr. Cyprian Nyong ya karbi allurar rigakafin ne yau a birnin tarayya Abuja.

Dr Cyprian dai ya kasance daya daga cikin likitoci da suka fara aikin yaki da cutar corona tun a shekarar da ta gabata (2020).

Yanzu dai ya kasance ma’aikacin lafiya na farko haka zalika dan Nigeria na farko da aka fara yiwa allurar rigakafin na covid-19.

Shugaban hukumar kula da cibiyoyin lafiya a matakin farko Dr. Faisal Shu’aib ne yayi masa allurar a bainar jama’a.