Osaka ta janye daga gasar Indian Wells

‘Yar wasan Tennis din kasar Japan Naomi Osaka , ta janye daga gasar WTA ta Chicago Indian Wells, da zata gudana a kasar Amurka.

Osaka , ta ce ta janye daga gasar ne sakamakon hutu da take bukata don cigaba da murmurewa da samun Lafiya.

Mai shekaru 23, zakaran Babbar gasar Grand Slam har sau 04, tana fama da matsalolin rashin Lafiya na damuwa da tace tana bukatar samun cikakken Hutu kafin sake dawowa filin wasa.

A baya ma cikin watan Mayu, Osaka ta janye daga gasar French Open bayan wasan zagaye na farko da aka ci tarar ta da barazanar korar ta daga gasar sakamakon kin ganawa da ‘yan Jaridu da ya zama tilas ga ‘yan wasa.