PDP ta tabbatar da janye shirin komawar Gwamnan Bauchi zuwa jam’iyyar APC

Jam’iyyar PDP a Jihar Bauchi ta tabbatar da janye shirin komawar Gwamnan jihar Bala Abdulkadir Muhammad jam’iyyar APC.

Shugaban PDP na jihar, Sama’ila Burga ne ya bayyana hakan yayin ganawa da manema labarai, inda ya ce matakin ya biyo bayan rashin cimma matsaya kan muhimman sharudda tsakanin bangarorin biyu.

Ya ƙara da cewa a yanzu hankalin jam’iyyar ya koma kan duba wasu hanyoyin siyasa da za su fi dacewa da muradun ‘ya’yanta da magoya bayanta.

Matakin na zuwa ne a daidai lokacin da ake ci gaba da sauye-sauyen siyasa a matakin jihohi, lamarin da ke nuna yadda ake sake fasalin kawance da dabarun jam’iyyu gabanin zabukan 2027.

AYG