Qatar 2022: Jamus ce kasa ta farko data samu tikitin buga gasar cin kofin Duniya

Kasar Jamus ce kasa ta farko data samu tikitin buga gasar cin kofin Duniya da za’a gudanar a shekara mai kamawa ta 2022 a kasar Qatar

Hakan na zuwa ne bayan lallasa kasar North Macedonia da ci 4-0 a wasanni share fagen buga gasar a jiya.

Dan wasan kasar Jamus Kai Harverts ne ya fara zura kwallo a wasan a mintuna na 50 sai kuma Dan wasa Timo Werner ya jefa kwallo biyu a mintuna na 70 da 73 yayin da dan wasa Jamal Musiala ya ci kwallo ta hudu a mintuna na 83.

Da wannan nasara ce yasa kasar Jamus zama kasa ta farko data samu tikitin buga gasar cin kofin Duniya da za’a gudanar a kasar Qatar a shekara mai kamawa ta 2022.