Ranar Juma’a mai zuwa za’a yi sallah babba – Sarkin musulmai

Mai alfarma sarkin musulmai Alhaji S’ada Abubakar na III ya ayyana ranar Juma’a mai zuwa 31 ga watan Yulin da muke ciki a matsayin ranar da za’a yi sallah babba.

Alhaji Sa’ad Abubakar na III ya kuma bukaci dukkanin musulmai da su yi sallar idi a masallatan Juma’a na kusa da gidajen su.

Wannan na kunshe cikin sanarwar da shugaban kwamitin bada shawarwari na harkokin addinin musulunci na majalisar koli na addinin musulunci farfesa Sambo Junaidu ya fitar a jiya Alhmis ya yin da aka rabawa manema labarai a birnin Sokoto.

Sanawar ta kara da cewar, mai alfarma sarkin musulmai na cewa kasancewar ana fama da cutar COVID-19,akan haka ne ya shawarci musulmai da dakatai da limamai da su gudanar da sallar Idi a masalatan su na sallar Juma’a