Connect with us

Labaran Wasanni

Real Madrid ta lashe laligar Spaniya

Published

on

Kungiyar kwallon kafa ta Real Madrid ta samu nasarar lashe gasar Laligar kasar Spaniya ta shekarar 2019/2020 a yau Alhamis bayan da ta samu nasara kan kungiyar kwallon kafa ta Villarreal da ci 2-1.

Dan Wasa Karim Benzima ne ya fara zurawa kungiyar tasa ta Madrid kwallo a minti na 29 da fara wasa bayan da ya samu taimako daga hannun dan wasa Luka Modrid sai kuma ya mara ta biyu a minti na 77 a bugun daga kai sai mai tsaron raga, sakamakon keta da akaiwa kyaftin din kungiyar Sagio Ramos.

Yayin da Villarreal ta ci kwallonta Daya ta hannun Dan wasanta Iborra a minti na 84.

Nasarar lashe kofin na Laliga da kungiyar ta Real Madrid tayi a yau ya sanya ta dauki kofin sau 2 cikin shekaru takwas kenan.

Bacerlona dake biyewa kungiyar ta Madrid a matsayin ta 2 a gasar ta Laliga, a wasan data buga yau Laraba da Osasuna ta yi rashin nasara da ci 2-1.

Yanzu dai ya rage wasa daya a karkare gasar ta Laliga inda aka buga wasanni 37 cikin wasanni 38 da za’a yi.

Kungiyar Real Madrid dake matsayin ta daya kuma wadda ta lashe gasar ta Laliga ta hada maki 86 yayin Barcelona dake biye mata a matsayin ta biyu keda maki 79.

Yanzu dai kungiyar kwallon kafar ta Real Madrid za ta mayar da hankalinta a gasar zakarun turai ta Champion league wajen ganin ta doke kungiyar Manchester City dake kasar Ingila a wasan da za su yi zagaye na biyu a ranar 7 ko 8 ga watan Augusta mai kamawa.

A wasan farko dai Real Madrid tayi rashin nasara a hannun Manchester City har gidanta da ci 2-1.

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!